INSP-TL

Formasaun Immunizasaun iha Prátika lansa ofisialmente iha Munisípiu Dili iha loron 04 Maiu 2026. Treinamentu ne’e realiza liu husi kolaborasaun entre World Health Organization Escritóriu nasaun iha Timor-Leste no National Institute of Public Health Timor-Leste.

Iha nia intervensaun, reprezentante Servisu Saúde Munisípiu Dili enkoraja profisionál saúde hotu ne’ebé partisipa iha treinamentu atu tuir programa tomak no implementa koñesimentu no abilidade sira iha fasilidade saúde sira ida-idak.

Husi World Health Organization, Dr. Arvind Matur reafirma komitmentu WHO atu hametin kapasidade profesional saúde sira iha parceria ho INSP-TL. Nia mos hatete katak fromasaun ne’e sei estende ba munisípiu sira seluk hanesan Ainaro, Manufahi, Lautem, Bobonaro no Oecusse, ho objetivu atu hadi’a kompeténsia partisipante sira iha gestaun vacina.

Reprezentante INSP-TL, Diretor Jerál Tékniku no Sientífiku, Gregorio Rangel, M.Sc. subliña importánsia formasaun ne’e atu hametin kapasidade profesional saúde sira iha jestaun vacina no implementasaun efetiva iha nivel prestasaun servisu.

INSP-TL mos hato’o agradese ba WHO hanesan parseiru dezenvolvimentu importante ne’ebé kontinua fó apoiu ba programa prinsipal sira, inklui imunizasaun no Field Epidemiology Training Program (FETP).

Partisipante sira iha treinamentu ne’e inklui traballadór saúde sira husi Munisípiu Dili, no fasilitador no treinador sira mai husi INSP-TL, UNICEF, Ministériu da Saúde no WHO