INSP-TL

INSP-TL, 08 Maiu 2026___Institutu Nasional Saúde Públika Timor-Leste (INSP-TL), liu hosi konsellu Diretivu INSP-TL ne’ebé lidera hosi prezidente INSP-TL, Dr. Nevio da Costa Sarmento, halo enkontru ho Diretores Gerais, Diretores Nasionis, no Diretores Unidades iha salaun Auditorium INSP-TL.

Enkontru ne’e ho objetivu atu hare progressu servisu mensal nian especialmente ba fulan Abril 2026. Iha intervensaun Presidente INSP-TL sublinha pontu importante sira hanesan : Avalia Dezempenho: Revizaun ba progresu servisu, rezultadu, no alvu ne'ebé hetan ona. Haforsa kooperasaun entre diresaun ka unidade sira atu asegura aliñamentu estratéjiku. Identifika Problema: Diskute dezafiu operasionál sira no buka solusaun hamutuk. Asegura katak serbisu sira la'o tuir padraun kualidade no regulamentu ne'ebé iha. Apresenta relatóriu mensal hanesan meius atu avalia kualidade serbisu.

Iha mos aprsentasaun esbosu regulamentu atividade formasaun no peskiza iha area saude husi Unidade Juridiku INSP-TL no mos proposta administrativa kona ba mekanismo karta oficial INSP-TL nian.

Enkontro ne’e hetan partisipasaun husi Diretores Gerais, Nasionais no Unidade sira hotu no realiza iha salaun Auditorium INSP-TL durante loron tomak oras servisu nian.