INSP-TL

INSPTL Dili, 14 Maiu 2026. DGTC husi INSPTL hala’o enkontro tekniku ho parseriu Menzies School of Health Research hodi diskute no harmoniza planu formasaun Basic Life Support (BLS), atu garante preparasaun rekursu umanu saúde ne’ebé kompetente no responde ho efetividade ba situasaun emerjénsia médika.

Enkontro tekniku hodi atualiza servisu sira Menzies nian ne'ebé foka ba programa Inisiativa Hametin Kuidadu Krítiku no Emerjénsia Rejionál / Regional Emergency and Critical Care Strengthening Initiative (RECSI). Programa ne’e foka liu ba hasa’e kapasidade forsa traballu liu husi formasaun no mentorizasaun, hametin sistema no prosesu, dadus no peskiza, no lideransa no governasaun ba pesoal saúde sira ne’ebé servisu iha área ospitál, liu-liu Departamentu Emerjénsia no ICU.

Iha area formasaun nian, formasaun lubuk ida mak fo ona ba Mediku no infermeiru sira iha HNGV hanesan:

a. Advance Life Support/ Avansa Apoiu ba Moris.

b. Point-of-Care Ultrasound / Pontu-de-Kuidadu Ultrasonografia (POCUS)

c. Critical Care Mentoring Program/Programa Mentoria ba Kuidadu Krítiku

d. Observerships Program/Programa Observasaun sira

Iha área lideransa no governasaun nian, médiku no enfermeiru balun oras ne’e tuir hela kursu online kona-ba jestaun. Iha area Peskiza no dadus- ekipa prepara hela proposta no sei submete ba INSPTL ba Aprovasaun Étika antes halo peskiza. Parte rua mós konkorda atu halo enkontru entre parseiru sira hotu hodi ko’alia kona-ba Advance Life Support iha tinan ida ne’e. Parte rua mós sei kontinua halo diskusaun hodi harmoniza aprosimasaun ba formasaun ruma iha futuru. Enkontru ne’e lidera husi exmo Diretor Geral Tecnico Sientifico Sr. Gregorio Rangel, no hetan partisipasaun husi Diretor Nacional Formasaun, Diretor Nasional peskiza e Desenvolvimentu no Diretor Unidade Jestaun Parseria inklui staff tekniku ba formasaun life support INSP-TL nian, husi parte Menzies nian hanesan Sr. Venancio Pinto – Head of Programs, Graciela Pereira – Project Coordinator, ARUNA SHIVAM – Emergency Care Lead, Benjamin Dingle – Critical Care Lead…Enkontru ne’e realiza iha salaun enkontru Diretores Gerais INSP-TL Comoro Dili.