INSP-TL

INSP-TL, Segunda-Feira, 05 Janeiru 2026__Presidente Konsellu Diretivu Institutu Nasional Saúde Públika Timor-Leste Exma.Presidente Konsellu Diretivu INSP-TL dr. Merita A.A.Monteiro, MPH. prezide Serimonia Isar Bandeira Nasional ba Primeiru Semana Fulan Janeiru Tinan 2026, Iha resintu INSP-TL Comoro, Kampungbaru.

Iha biban ne’e, presidente informa katak, Agradese tanba iha tinan ida ne’e ita hotu bele hasoru malu hikas iha fatin ida ne’e ho kondisaun ne’ebé maka diak, mesmu iha Diretores no funsionarius balun ne’ebé la partisipa iha isar bandeira loron ohin, espera katak fulan oin mai bele kompletu liu tan.

Iha tinan ida ne’e no loron primeiru ne’ebé ita hotu fila hikas mai iha servisu fatin atu idak-idak hala’o servisu hanesan bain-bain, espera katak tinan ida ne’e bele hala’o servisu ho funsaun responsabilidade hanesan Dirijentes, funsionarius Publiku, Ajente Administrasaun Públika, kazuais, motorista no pessoal limpeza sira. Tinan ida ne’e ita hotu esforsu an diak liutan kompara ho tinan kotuk ne’ebé liu ona kumpri disiplinar servisu tuir oras servisu nian.

Serimonia Isar Bandeira responsabiliza hosi Unidades INSP-TL no partisipa hosi Diretores Jerais, Diretores Nasionais Diretores Unidades Funsionarius INSP-TL inklui pessoal limpeza sira.