INSP-TL

INSP-TL, 30 Janeiru 2026__Institutu Nasional Saúde Públika Timor-Leste (INSP-TL), realiza Serimónia agradesementu no hand over, prezidente INSP-TL sesante dr. Merita A.A.Monteiro, MPH. ba iha prezidente foun Dr. Nevio da Costa Sarmento, BMLS,MMedTech, PhD. Iha salaun auditorium INSP-TL Comoro,Kampungbaru.

Objetivu iha serimónia ne’e, Hatutan servisu ne’ebé maka durante ne’e la’o ona liu-liu ba dirijente sira atu servisu hamutuk hodi bele lori susesu ba Institutu Nasional Saúde Públika Timor-Leste iha futuru ne’ebé presiza asegura implementasaun ba programa hotu iha area saúde nunu Governu nian.

Iha deskursu prezidente sesante dr. Merita A.A.Monteiro, MPH. hateten, Agradese ba Ministériu Saúde liu-liu ba dirijente masimu Ministériu Saúde ne’ebé reprezenta Hosi Vise Ministru-VMFIS ne’ebé mak iha no fó ona konfiansa ba iha estrutura konsellu Diretivu INSP-TL hosi tina 2023 to’o iha 2026, agradese wa’in ba konfiansa no apoiu tomak ne’ebé durante ne’e ami hala’o servisu durante tinan rua ho balun nia laran, servisu balun ne’ebé hala’o ona no sei iha mó servisu balun ne’ebé maka presiza atu kompleta no hadia diak liutan iha futuru.

Prezidente nomeadu Dr.Nevio da Costa Sarmento, BMLS,MMedTech, PhD. Hateten, loron ohin laos loron ikus, maibé hanesan passu ida ne’ebé atu merje Diresaun Nasional Saúde Públika Laboratoriu iha tinan 2023. Loron ohin hanesan loron ida ne’ebé funsionariu INSP-TL atu hato’o ita hotu nia agrasementu ba prezidente sesante ne’ebé maka durante ne’e lidera hela konsellu diretivu INSP-TL iha tinan hirak liu ba. Servisu ne’ebé durante hala’o ona ita sei kontinua servisu hamutuk liu hosi Dirijentes no funsionarius hotu hodi alkansa ita nia objetivu hodi dezenvolve INSP-TL ida ne’ebé ba futuru ho diak.

Alende ne’e, Vise-Ministru Fortalesimentu Institusional Saúde (VMFIS) Sr. José dos Reis Magno Lic. SP.MM, iha deskursu hateten, loron ohin hanesan loron ida ne’ebé hato’o agradesementu ida ba ita boot sira nia hamutuk ne’ebé durante ne’e dr. Merita A.A.Monteiro, hanesan prezidente INSP-TL iha momentu ne’’eba.

Partisipa iha serimónia ne’e Vise-Ministru Fortalesimentu Institusional Saúde (VMFIS) Sr. José dos Reis Magno Lic. SP.MM, Diretores Jerais, Diretores Nasionais, Diretores Unidades, Funsionarius INSP-TL no parseiru Dezenvolvimentu Maluk Timor ho PHD.