INSP-TL

INSP-TL, Segunda-Feira, 02 Fevereiru 2026__Prezidente Institutu Nasional Saúde Públika Timor-Leste Dr. Nevio da Costa Sarmento, BMLS,MMedTech, PhD. Prezide Serimónia Isar Bandeira Nasional ba Primeiru Semana Fulan Fevereiru Tinan 2026, Iha Resintu INSP-TL Comoro, Kampungbaru.

Iha deskursu prezidente hateten, Loron ohin hanesan loron primeiru hau hamrik iha ne’e hanesan prezidente Institutu Nasional Saúde Públika Timor-Leste, hanesan prezidente INSP-TL, simu kna’ar ida ne’ebé maka ho responsabilidade fiar katak ita hotu sei bele kontinua servisu legadu ne’ebé maka sesante sira durante ne’e hala’o hela nune’e atu hadia diakliu tan servisu hirak ne’ebé hala’o ona mak hanesan peskíza, Formasaun, Vizilansia no Laboratoriu.

Liu hosi pilares importante hirak ne’e maka forma INSP-TL bazeia ba dekretu Lei No 84/2022, 23 Novembru, servisu barak ne’ebé seidauk atinje presiza hadia regulamentu internu, rezimentu formadores no peskízadores ne’ebé presiza hadia.

Iha deskursu Prezidente INSP-TL Dr. Nevio da Costa Sarmento, BMLS, MMedTech, PhD. Akresenta tan katak, INSP-TL simu ona pakote orsamentu tinan 2026, ho nune’e informa ba iha kada diresaun hotu bele prepara planu no submete ona pedidu atividade kada diresaun sira.

Serimonia isar Bandeira ne’e partisipa masimu hosi Diretores Jerais, Diretores Nasionais, Diretores Unidades nomos Funsionarius INSP-TL.