INSP-TL

halo abertura ba Workshop Konsulta Teknika Interna Planu Fortalesimentu Institutu Nasional Saúde Públika Timor-Leste (INSP-TL). Workshop ne’e hala’o iha Salaun INSP-TL, Comoro.

Iha Diskursu VMFIS hatete atu halo reflesaun, analiza no kontribui ba Planu Fortalesimentu Institusional ba Institutu Nasional de Saúde Públika Timor-Leste dokumentu estratégiku ida ne’e reprezenta tiha instrumentu tékniku ida, nia simboliza kompromisu firme husi IX Governo Timor-Leste transparênsia no ba sustentabilidade iha saúde públika.

Ita moris iha kontextu global ida ne’ebe marka dezafius saúde kada vez komplexu liu hanesan emerjênsia, epidemiológica, mudansa klimátika, mobilidade populasional no ameasa foun ba saúde koletiva ka ita hotu ninian, perante senáriu nune’e, sai imperativu tebes atu konsolida instituisoens saúde ne’ebe forte, moderna no resilientes.

INSP-TL ida ne’e, enkuantu pilar Sientífiku no Operasional husi ita nia sistema saúde ninian, okupa papel ida sentral iha produsaun evidênsias, iha vigilânsia epidemiolójika, iha formasaun kuadrus kualifikadus no iha resposta efikaz ba nesessidades populasaun kona-ba kualidade servisu laboratoriu.

Planu fortalesimentu ida ne’e, mosu iha momentu desizivu husi ita nia trajetória institusional. Ninia propózitu klaru tebes atu transforma INSP-TL sai instituisaun ba referência rejional, ne’ebe presiza dota ba kapasidade téknika, administrativa no operasional ne’ebe sólida.

Permite mai hau hodi destaka eixos balun ne’ebe essensiais iha planu ne’e Primeiru, fortalesimentu ba governansa no ba transparênsia, através husi revizaun no implementasaun polítikas, lejislasoens no instrumentus normativu ne’ebe bele assegura alinhamento estratéjiku no konformidade legal.

Segundu, modernizasaun ba prosesus operasionais, ho integrasaun ho sistemas dijitais, teknolojias ba informasaun no boas prátikas kona-ba jestaun ne’ebe promove efisiênsia no melhor utilizasaun ba rekursus públikus sira e’ebe fo mai ita atu tau matan hodi halao servisu iha INSP-TL.

Terseiru, investimentu iha kapital humanu ita nia patrimóniu importante no desizivu bainhira ita garante liu husi formasaun kontínua, no dezenvolvimentu profissional no retensaun ba talentu.

Kuartu, modernizasaun ba infraestrutura no kapasidade laboratorial, elementu fundamental ba vigilânsia epidemiolójika robusta, investigasaun Sientífika no diagnóstikus ho kualidade.

Kintu, sustentabilidade finanseira, liu husi planeamentu rigorozu, mobilizasaun ba parserias estratégicas no mekanismos inovadores kona-ba financiamentu, ba dala ikus, expansaun ba kooperasoens nacionais no internacionais, halo konsolidasaun redes ho universidades, ajênsias globais saúde ninian no organizasaun sosiedade sivil sira.

Partisipa iha Workshop ne’e maka Parseiru sira, Diretora Jeral Kuidadu Saúde Primaria, Prezidente INSP-TL, Diretor Jeral SNAEM, Inspetor Saúde, Asesor, no seluk-seluk tan