INSP-TL

INSP-TL, 24 Fevereiru 2026__Institutu Nasional Saúde Públika Timor-Leste (INSP-TL) liu hosi Diresaun Nasional Saúde Públika (DNSP), hala’o enkontru ho Diretor Nasional Prevenção Controlo de Doenças (DNPCD), Mds. Iha salaun Primaveira INSP-TL hodi koalia kona-ba Vizilansia ba Surtu Moras Dengue ne’ebé agora dadaun infrenta hela.

Objetivu iha enkontru ne’e servisu hamutuk entre INSP-TL ho Minstériu saúde hodi share informasaun ba malu kona-ba dadus ba vizilansia ninian liu-liu ba iha moras dengue ne’ebé mak sai ona surtu ba Timor-Leste. Ho nune’e maka diresaun rua ne’e konvoka enkontru inklui mos Laboratoriu Nasional saúde Diresaun Nasional Toxicologia no PCM.

Diretora Nasional Saúde Públika INSP-TL Sra. Joana Marques, Lic. Enf. Informa, oinsa preparasaun ba vizilansia saúde Públika nomos Vizilansia Ministériu saúde nian. Liu hosi enkontru ida ne’e, atu servisu hamutuk hodi nune’e bele foti asaun ruma ba situasaun sira ne’e. Institutu Nasional Saúde Públika Timor-Leste, Diresaun Nasional Saúde Públika, ninia papel maka halo análiza no depois de análiza halo mós rekomendasaun ba iha Ministériu Saúde bele halo intervensaun ba iha surtu dengue ne’ebé iha.

Diretor Nacional Prevenção Controlo de Doenças, Mds. Sr. Hector da Costa Pereira, hateten, Agora dadaun ita hasoru hela surtu dengue iha Timor-Leste nune’e ita mós agora dadaun iha hela situasaun ida ne’ebé la konfortabel, tanba ne’e liu hosi enkontru ida ne’e atu diskute ba iha transparensia dadus hodi elabora no halo publikasaun ba dadus iha fatin ida hodi nune’e servisu hamutuk la’o ho objetivu no koridor ida deit.

Partisipa iha enkontru ne’e Diretor Nasional Toxicologia-Labnas no ekipa DNSP-INP-TL