INSP-TL

Institute Nacional Saude Publica de Timor-Leste (INSP-TL sigla Português) lidera RRG hodi halo diskusaun ba peskiza Nutrisaun ne'ebe aprezenta husi ekipa peskizador sira husi Universidade Nacional Timor Loro Sa'e (UNTL). Iha diskusaun ne'e, INSP-TL hamutuk ho membru RRG sira husi UNICEF, Instituto Nacional Estatistica Timor-Leste (INETL), Menzies Timor-Leste. Iha abertura Diretora Geral Tekniku Sientifiku interina, Sra. Tomasia Sousa, SKM fo bem vindu ba membru RRG hotu ne'ebe hola parte enkontru loron ohin hodi rona husi ekipa peskizador sira konaba Termu Referensia no proposta atu nune forum bele fo sujestaun no rekomendasaun sira hodi hadiak liu tan dokumentu nesesario sira.

Hafoin aprezenta termu referensia no proposta peskiza husi investigator prinsipal prof. dr. Joao Martins, PhD no ekipa, membru RRG kontinua fo sira nia intervensaun oinsa bele hadiak liu tan dokumentu nesesario sira molok hakat ba realiza peskiza. Iha intervensaun, membru RRG husi INSP-TL, Gregorio Rangel, M. Sc. informa katak kualker investigasaun sientifiku iha seitor saude iha Timor-Leste persiza hetan autorizasaun husi INSP-TL nudar kompetensia ne'ebe hatur ona iha dekreitu lei hodi fo ethics approval, akompanhamentu, workshop aprezentasaun rezultadu preliminary, nune'e mos persiza rekonese INSP-TL iha tempu publikasaun ba rezultadu estudu. Iha sorin seluk, membru RRG seluk hanesan INETL, Menzies no Dirigente sira INSP-TL hotu kontribui idea hodi hadiak diak liu dokumentu nesesario sira seluk molok hakat ba realiza peskiza.

Marka iha enkontru ne mak hanesan Reprezenta President Conselho Diretivu INSP-TL, Direitor Nacional sira husi INSP-TL, Diretor Nacional husi INETL, reprezenta husi Menzeis, UNICEF, UNTL no ekipa teknika husi INSP-TL