INSP-TL

Intitute Nacional Saude Publica de Timor-Leste (INSP-TL) liu husi Diresaun Nasional Formasaun realiza formasaun integradu kona-ba voluntariu saude komuniatria (VSK) ba formador sira husi Munisipiu Ermera no Oecusse. Xefe departamentu promosaun edukasaun saude, Ministerio da Saude, Mesliza Vital hato'o kataka formasaun ne'e importante ba formandu sira hodi ba aplika iha munisipiu sira liu husi monitoring husi Ministerio da Saude no INSP-TL. Iha sorin seluk, Diretor Nasional Formasaun INSP-TL, Gregorio Rangel, M.Sc. iha abertura fo parabens ba ekipa forte husi INSP-TL, UNICEF, MoH, WHO ne'ebe servisu ho maraton tebes-tebes iha elaborasaun module ba VSK. Diretor ne'e mos sublinha tan katak ho formasaun loron 5 ne'e bele hasa'e liu tan konesimentu no abilidade formandu sira nian hodi bele ba fasilita fila fali ba ita nia voluntariu sira iha ita ida-idak nia munisipiu ne'ebe ita haknaar an ba. Partisipa iha abertura ne'e mak hanesan Diretor Nasional Formasaun INSP-TL, Xefe departamento promosaun edukasaun saude Ministerio da Saude, reprezentante husi UNICEF, WHO, formador sira husi INSP-TL, ekipa tekniku husi INSP-TL no Ministerio da Saude