INSP-TL

INSP-TL, PHD no AMT realiza enkontru kada fulan ba Programa Dijitaliza Pakote Formasaun Integradu (DPFI) – Kuidadu Saude Primaria (KSP) , no enkontru ida ne’e mak dala ikus ho mandatu PHD nian.

Objetivu husi enkontru ida ne’e mak atu buka solusaun ba dezafiu sira ne’ebé programa DPFI–KSP hasoru, no mos atu tau hamutuk ideia sira hodi foti desizaun di’ak liu ba dezenvolvimentu programa nian iha futuru.

Iha biban ne'e, Ekipa DPFI-KSP aprezenta progresu tomak liga ho module Emergency, Moras hadaet nune'e module sira seluk iha area klinika no laos klinika.

Iha intervensaun Diretor Nacional Formasaun INSPTL, Gregorio Rangel, M.Sc. Informa katak ekipa forte INSP-TL no Maluk Timor (MT) Halo ona esforsu lubuk ida liu husi envolvimentu husi Mediku especialista ninia kontribuisaun ba dezenvolvimentu modul sira.

Iha biban hanesan Direitora Ezekutiva MT, Dillyana Ximenes informa katak progresu hirak ne'e akontese tanba lideransa husi Dirigente INSP-TL no MT ho apoiu husi PHD. Iha sorin seluk, parte Ezekutivo PHD, Ismael Barretto informa katak apoiu PHD ba INSP-TL mak hanesan estrategia formasaun no Quality Assurance Framework nebe sei aprezenta ba estrutura INSP-TL hodi hetan sugestaun ba hadiak liu tan dokumentu hirak ne'e.

Iha oportunidade ida ne’e mos, INSP-TL liu husi Diretor Formasaun no Diretora Ezekutiva AMT hato’o agradesimentu boot ba kontribuisaun servisu tomak ne’ebé PHD halo liu husi programa ida ne’e, no mos ba kontribuisaun importante ba setor saúde.

Partisipa iha enkontru ne'e mak hanesan Direitor Nacional Formasaun INSP-TL, Direitora Ezekutiva MT, Ezekutivo PHD, Ekipa tekniku husi PHD no MT