INSP-TL

INSP-TL hetan apoiu husi PHD hodi realiza formasaun Violensia Bazeia ba Generu (VBJ) ba gestor sira hanesan Direitor Munisipiu, Xefe programatiku, Xefe Sentru Saude balun mos hola parte iha formasaun ne'e. Objetivu husi formasaun ne'e hodi hasae abilidade no konesimentu husi formandu sira oinsa bele apoiu maximu professionais saude sira ne'ebe halao knaar hodi servi sobrevivente sira iha sira nia servisu fatin. Iha intervensaun Diretor Nacional Formasaun INSPTL, Gregorio Rangel, M. Sc. Informa katak formasaun ohin loron importante ba jerente sira hodi intende oinsa bele apoiu pontu focal sira ne'ebe halo atendementu ba inan no oan sira ne'ebe persiza tulun hafoin hetan Violensia. Direitor ne'e mos salienta liu tan katak apoiu sira husi gestor sira mak oinsa bele fornese fatin seguru hodi halao atendementu nune'e apoiu logistik sira seluk ne'ebe nesesita husi prpgrama relevante iha ita nia servisu fatin.

Marka iha abertura formasaun ne'e mak hanesan Direitor Nacional Formasaun INSP-TL, Direitor Munisipiu Sira, Xefe programatiku sira, Xefe Sentru da Saude, formador husi INSP-TL, Reprezenta husi PHD no ekipa tekniku sira husi INSP-TL.