INSP-TL

Institutu Nasional Saúde Públika Timor-Leste liu hosi Unidade Jestaun Parseria ne’ebé lidera hosi Sr. Ivo Ireneu da C. Freitas, hala’o enkontru ho ekipa hosi parseiru Dezenvolvimentu HAMNASA, iha gabinete Diretor Unidade Jestaun Parseria-INSP-TL.

Enkontru ne’e hanesan enkontru koordenasaun dahuluk entre INS-TL no parseriu HAMNASA hodi elobaora posibilidade hodi halao koooperasaun teknika hamutuk. Iha enkontru ne’e representante parseriu HAMNASA hato’o sira nia hakarak atu koopera ho INSP-TL iha programa saúde inan no Violensia Bazeia ba Jeneru (VBJ) ba pessoal saúde iha Munisipius., hatan ba ne’e diretor Unidade Jestaun Parseria hato’o ho detailus sasukat no prosedimentu husi INSP-TL wainhira atu halao kooperasaun teknika ho Parseriu ida, nune’e husu ba Parseriu sira atu selebra uluk MoU ho Ministeriu da Saude molok selebra akordu tekniku ho INSP-TL. Enkontru hetan partisipasaun husi staff tekniku Unidade Jestaun Parseria nian, no parte rua sei halo koordenasaun tekniku hodi bele realiza kooperasaun tekniku iha tempu oin mai.remata@