INSP-TL

Institutu Nasional Saúde Públika Timor-Leste liu hosi Unidade Jestaun i Parseria (UJP), kolabora hamutuk ho Parseiru ba Dezenvolvimentu Humanu “Partnership for Human Development (PHD)” realiza Partners Coordination Meeting iha salaun enkontru Tower -Fatuhada, Dili.

Partnres Coodinations Meeting halao entre INSP-TL ho parseiru sira ne’ebé maka durante ne’e apoiu fundus hosi DFAT ou Governu Astralia.ho objetivu principal hanesan tuir mai ne’e”

1) Harmoniza programa servisu entre parseru sira ho programa prioridade INSP-TL;

2) Alinha politika, planu no estratéjia INSP-TL ho programa apoiu husi parseru sira;

3) Konsolida dadus hodi fortifika Monitorizasaun no Avaliasaun entre parseru sira no INSP-TL;

4) Elabora rekomendasaun konkreta no planu asaun kolektiva entre parseru sira no INSP-TL;

5) Klarifika funsaun no responsabilidade husi kada parseria atu kontribui ba atinjimentu programa prioridade INSP-TL.

Enkontru Koordenasaun Parseria ne’e oficialmente loke husi Prezidente INSP-TL, Dr. Nevio da Costa Sarmento. Iha abertura, prezidente hateten, agradese ba parseiru sira hotu. Enkontru koordenasaun Parseria ba loron ohin maka atu bolu ita hotu nia atensaun atu harmoniza no haree fila planu no estrajia hirak ne’ebé maka INSP-TL iha, hanesan ita hotu hatene katak, papel INSP-TL iha importante haat ne’ebe maka hatur ona iha Dekretu Lei Nu.84/2022, ne’ebé maka foku liu ba iha peskíza, Formasaun, Vizilansia Epidemiolojia no Diagnostiku Laboratoriu. Durnate ne’e iha formasaun ne’ebé barak tebes nune’e kooperasaun barak liu mak halai liu ba iha area formasaun, ho ida ne’e maka intensaun INSP-TL durante ne’e halo ona Akordu Kooperasaun Teknika ho parseiru sira ne’ebé maka hahu iha tinan 2023 depois de INSP-TL harii hodi re-estratejia, konsolida no elabora fila fali ba programa sira ne’e, klaru katak iha servisu barak maka hala’o ona no ezekuta ona ho diresaun sira ho nune’e bele atinje ba metas hirak ne’e ho objetivu ida ne’ebé diak.

Prezidente mós sublina tan katak, INSP-TL apresia tebes ba kooperasaun ho parseiru Dezenvolvimentu sira ne’ebé durante ne’e halo ona Akordu Kooperasaun Teknika hodi servisu hamutuk iha area formasaun, peskíza no vizilansia epidemiolojia, ne’ebé realiza ona ho nune’e liu hosi enkontru ohin atu bele haforsa liutan servisu koopersaun diak liutan entre Institutu Nasional Saúde Públika Timor-Leste ho parseiru sira.

Workshop ne’e partisipa hosi Konsellu Diretivu INSP-TL ne’ebé lidera hosi Prezidente INSP-TL, no enkontru ne’e mos hetan partisipasaun ativu husi reprezentante DFAT Ms . Deidre Ballinger – First Secretary for Health and Nutrition Programs Diretores Jerais, Diretores Nasionais, Diretores Unidades, PHD no parseiru Dezenvolvimentu sira ne’ebé hetan fundus hosi DFAT ou Governu Australia hanesan UNICEF, UNFPA, MSITL, Assosiasaun Maluk Timor (AMT), MENZIES, World Vision, PRADET, RHTO, CATALPA no ekipa Unidade Jestaun i Parseria- no staff programatiku sira husi INSP-TL.