INSP-TL

Presidente INSP-TL, Dr. Nevio da Costa Sarmento hateten, INSP-TL avansa tan pasu ida ba oin atu kompleta prosesu kirasaun Institutu Nasionál Saúde Públika Timor-Leste (INSPT-TL), funsionáriu hirak ne’ebé foin simu kna’ar ne’e atu haforsa kondisaun téknika no programa sira hodi eleva kapasidade profesional saude hodi bele presta servisu diak liu tan ba komunidade iha Timor-Leste nomos ho kbiit ne’ebé iha ona ita bele avansa dadaun ba mehi hodi kria INSP-TL sai sentru excelensia iha Saúde Publica Timor-Leste.

INSP-TL Hamutuk ho parseiru dezenvolvimentu sira atu bele investe maka’as liután iha área kapasitasaun no formasaun kontinua ba profisionál saúde sira hodi hadi’a kualidade prestasaun servisu.

Estrutura foun loke dalan atu hadi’a di’ak liután kna’ar INSP-TL nu’udar órgaun Guvernu responsável ba ba kapasitasaun profesional saude peskiza no laboratoriu saude no servisu apoiu sira tuir kna’ar nebe hatur ona tuir decreto lei n.º 84/2022, de 23 de novembro.

Presidente INSP-TL mos agradese ba dirijenti sesante sira ba kontribuisaun ne’ebé fo ona ba instituto Nasional Saúde Pública Timor-Leste, desenvolvimentu INSP-TL sura nafatin ho kontribuisaun ho ema hotu inklui dirijente sesante sira, nomos bemvindu dirijente foun sira hodi hametin liu tan kna’ar no responsabilidade INSP-TL.

Marka mós prezensa iha serimónia ne’e mak, Diretora Geral Administrasaun,Diretór Nasionál, Diretor Unidade nomós Reprezentante sira husi Parseiru Dezenvolvimentu no funsionariu INSP-TL no seremonia termu de entrega ne’e halao iha salaun auditorium INSP-TL Comoro Kampungbaru