ENKONTRU ATUALIZASAUN ATIVIDADE TRIMESTER PRIMEIRU DIRESAUN GERAL TEKNIKU SIENTIFIKU (DGTC), INSP-TL
INSP-TL, 31 Marsu 2026
Diresaun Geral Tekniku Sientifiku (DGTC), INSP-TL realiza enkontru atualizasaun atividade ba trimester primeiru iha salaun enkontru DGs INSP-TL. Iha abertura enkontru, Diretor Geral Tekniku Sientifiku, INSP-TL, Gregorio Rangel, M.Sc., fo bem-vindu ba Diretor sira husi diresaun nasional sira ne’ebé tutela iha DGTC, hanesan Diretor Nasional Formasaun (DNF), Sr. Amelito Gomes, Lic. Enf.; Diretor Nasional Pesquisa no Dezenvolvimentu (DNPD), dr. Claudio de Jesus Oliveira; no Diretora Nasional Saude Publika (DNSP), Sra. Joana Marques, Lic. Enf., atu partisipa iha enkontru ida ne’e.
Durante enkontru, kada diresaun nasional apresenta rezultadu atividade sira ne’ebé konsege realiza iha trimester primeiru:
• Diresaun Nasional Formasaun (DNF) relata katak durante trimester primeiru konsege forma profisionál saúde hamutuk 163 ema, iha area kliniku, saúde publika no jestaun lideransa. Husi total ne’e, feto hamutuk 85 no mane hamutuk 78, ne’ebé mai husi profesoens oin-oin hanesan médiku, enfermeiru, parteira no tekniku saúde aliadu sira.
No Follow up After Training hamutuk 77 mai husi mediku, enfermeiru, parteira no tekniku aliadu.
• Diresaun Nasional Pesquisa no Dezenvolvimentu (DNPD) informa katak iha hela esforsu elaborasaun proposta investigasaun hamutuk 5, no husi sira ne’e, proposta 2 hetan ona aprovasaun atu implementa iha trimester segundu (fulan Abril). Alende ne’e, DNPD kontinua halo koordenasaun ho parseiru dezenvolvimentu sira atu hahu fila fali programa SORT IT (Structured Operational Research and Training Initiative) hodi reforça kapasidade investigasaun sientífika iha INSP-TL.
• Diresaun Nasional Saude Publika (DNSP) relata katak ekipa tekniku sira iha hela terenu atu halo investigasaun ba kazu emergénsia saúde publika, inklui atividade ne’ebé realiza iha Munisípiu Covalima.
Iha parte ikus enkontru, dirigente sira husi DGTC halo diskusaun kona-ba estratéjia no planu atu aumenta implementasaun atividade iha trimester segundu, hodi garante atinjimentu ba indikador servisu sira ne’ebé estabelese ona.
Partisipante sira iha enkontru ne’e mak hanesan Diretor Geral Tekniku Sientifiku, Diretor DNF, Diretora DNSP no Diretor DNPD.
Notisia atual sira:
INSP-TL_ Fasilita formasaun Jestaun Lideransa ba profesional saude iha Munisipiu Baucau
BAUCAU — Diretor-Jerál Tékniku Sientífiku Institutu Nasionál Sa
DIRETÓR GERAL TÉKNIKU NO SIENTÍFIKU REALIZA ENKONTRU AVALIASAUN SEMESTRE DAHULUK HO DIRESAUN NASIONAL FORMASAUN
INSP-TL, 22 Jullu 2026. Diretór Geral Tékniku no Sientífiku, Instituto Nacio
MINISTERIU SAUDE KOMEMORA LORON NASIONAL SAÚDE BA DA-11, IHA MUNISIPIU VIQUEQUE
VIQUEQUE, 22 Jullu 2026___Ministériu Saúde (MS) Timor-Leste Komemora Loron Nasional
DIRETÓR GERAL TÉKNIKU NO SIENTÍFIKU REALIZA ENKONTRU AVALIASAUN SEMESTRE DAHULUK HO DIRESAUN NASIONAL PESKIZA NO DEZENVOlVIMENTU
INSP-TL, 21 Jullu 2026 – Diretór Geral Tékniku no Sient&iacu
WORKSHOP JESTAUN KAZU ASU TATA
INSP-TL, 10 Jullu 2026___Institutu Nasional Saúde Públika Timor-Leste (INSP-TL), li
Presidente INSP-TL Lidera Enkontru Koordenasaun ho Parseriu Menzies School of Health Research
DILI, kuarta-feira, 15/07/2026, Presidente Institutu Nasionál Saúde Públika