INSP-TL

Enkontru mensal ASEAN Timor-Leste Health Cluster 2 realiza iha salaun enkontru DGs INSP-TL.

Iha abertura enkontru, Lider Cluster 2 no Diretor Geral Tekniku no Sientífiku INSP-TL, Sr. Gregorio Rangel, M.Sc., simu ho laran di’ak no agradese ba partisipante hotu ne’ebé fo tempu atu partisipa iha enkontru ida ne’e. Nia subliña katak enkontru ne’e importante tebes atu identifika área prioridade sira ba Cluster 2, no mós atu determina diresaun jeral no nasional relevante sira hodi hahú prosesu nomeasaun, ne’ebé sei submete ba aprovasaun husi Ministériu Saúde.

Iha parte seluk, Dr. Gustodio A. de Jesus informa ba partisipante sira katak lista ekipa ASEAN Socio-Cultural Community (ASCC) – Ministériu Saúde Timor-Leste hetan ona aprovasaun ofisial husi Ministériu Saúde hodi kontinua implementasaun atividade sira.

Nia mós destaca katak iha área servisu prinsipal 8 ne’ebé relevante ba Cluster 2, hanesan tuir mai ne’e:

1. ASEAN Institute for Disaster Health Management (AIDHM)

2. ASEAN–US Infection Prevention Task Force

3. ASEAN One Health Network

4. ASEAN Plus Three Field Epidemiology Training Program (FETP) Network

5. ASEAN Emergency Operations Network

6. Regional Coordination Committee on Disaster Health Management

7. ASEAN Academic Network on Disaster Health Management

8. ASEAN Contact Point on Antimicrobial Resistance (AMR)

Enkontru remata ho komprensaun hamutuk kona-ba pasu tuir mai hodi asegura koordenasaun, nomeasaun no implementasaun atividade Cluster 2 tuir prioridade saúde ASEAN nian