INSP-TL

Institutu Nasional Saúde Públika Timor-Leste, liu hosi Unidade Jestaun i Parseria, realiza enkontru ho parseiru Dezenvolvimentu HAMNASA hodi aprezenta ba planu atividade no implementasaun programa entre INSP-TL no ONG HAMNASA iha salaun auditorium INSP-TL, Comoro.

Objetivu iha enkontru ne’e ONG HAMNASA atu halo aprezentasaun ba implementasaun programa bazeia ba Akordu Kooperasaun Tekniku ne’ebé tuir planu sei hala’o entre INSP-TL ho parseiru HAMNASA iha tempu badak.

Iha abertura Presidente INSP-TL, Exmo. Dr. Nevio da Costa Sarmentu, iha biban hateten, agradese tebes bele hasoru maluk sira hosi parseiru ONG HAMNASA, haree hosi matrix no programa sira hira ne’eb’e maka hala’o tiha ona iha tinan kotuk ho susesu balun ne’ebé maka atinje ona nune’e hare mós ba iha Akordu Kooperasaun Tekniku ne’ebé maka espiradu ona nune’e servisu hirak ne’ebé maka foku liu ba iha Violensia Bazeia ba Jéneru.

Klaru katak parseiru hamnasa servisu foku liu ba iha TB ninian, kongratula tebes tanba hetan ona apoiu hosi DFAT iha loron hirak liu ba ne’e hanesan fortifika liutan apoiu identifikasaun moras TB iha ita nia rain ne’e hanesan susesu boot ida atu nune’e bele idantifika ba moras TB iha ita nia komunidade sira. Parseiru HAMNASA mai ho esperensia ida ne’ebé barak ho nune’e ita bele halo diskusaun hamutuk tantu dormadores sira fo hanoin ida ne’eble kredibel atu nune’e bele implementa tuir programa ne’ebé parseiru sira atu hala’o entre INSP-TL no ONG HAMNASA.

Entretantu Diretor Ezekutivu ONG HAMNASA, Sr. José Marçal Cabral Belo, sublinña tan katak, kontente tebes ba loron ohin tanba fó oportunidade ba ONG HAMNASA atu halo aprezenta nina programa no nomos lala’ok organizasaun nian. Atu informa deit katak estabelesimentu ONG HAMNASA komesa iha loron 01 fulan Outubru 2021 entremus atu halo komparasaun ba tinan karik sei ki’ik hela maibe esperensia ne’ebé boot no servisu lubuk ida maka hala’o ona.

Agora dadaun ita hotu halibur hamutuk iha fatin ida ne’e ho objetivu katak, ONG HAMNASA atu aprezenta ninia programa ba projetu sira nomos planu saida maka iha bele haree fila fali prioridade hosi INSP-TL servisu saida deit maka bele kompleta liu konkordansia entre INSP-TL no ONG HAMNASA.

Partisipa iha enkontru ne’e, Exmo. Pesidente INSP-TL, Diretor Ezekutivu HAMNASA ho ekipa, Diretores Jerais, Diretores Nasionais, Diretores Unidades, Assesor Jurídiku no Formadores INSP-TL sira