INSP-TL

Institutu Nasional Saúde Públika Timor-Leste, liu hosi Unidade Jestaun i Parseria konvoka enkontru ho parseiru Dezenvolvimentu SHARE hodi aprezenta esbosu Akordu Kooperasaun Teknika (AKT) ba planu atividades no matrix programa hosi parseiru Dezenvolvimentu SHARE. Iha Salun Auditorium INSP-TL.

Objetivu iha aprezentasaun ne’e, atu hametin sistema kuidadu kontinuidade (Continum of Care) no hadiak servisu saúde inan no kosok-oan iha Atauro no Metinaro nomos implementasaun programa HAKBESIK iha Munisipiu Manufahi, Haforsa Atensaun Kuidadu Bebeik Saúde Inan no Kosok-oan.

Iha enkontru refere, Country Diretor SHARE-TL Sr. Shutaro Sunai, deskursu hateten, Agradese tebes ba Institutu Nasional Saúde Públika Timor-Leste, durante ne’e SHARE servisu hamutuk ho INSP-TL iha tinan hirak nia laran hodi implementa no suporta haforsa saúde inan ho oan sira iha Dili, liu-liu iha Metinaro no Atauro. Tanba ne’e liu hosi aprezentasaun ba loron ohin atu aprezenta ba implementasaun programa SHARE nian iha Munisipiu Manufahi, ne’ebé foku liu ba iha kuidadu saúde inan ho oan, espera katak ba oin parte rua sei servisu hamutuk atu nune’e bele haforsa liutan no hadiak liutan ba servisu saúde iha Munisipiu Manufahi.

Alende iha enkontru ne’e abertura hosi prezidente INSP-TL Exmo. Nevio da Costa Sarmento, informa. Apresia tebes ba ONG SHARE ne’ebé servisu hamutuk ho INSP-TL para atu hatan ba servisu hirak ne’ebé maka hala’o ona, kontente tebes ba enkontru loron ohin tanba ita bele hasoru malu atu haree fila ba atatividade hirak ne’e bele implementa. Haree hosi saúde Materna infantil agora dadaun malnutrisaun sei sai hela problema iha komunidade hahu hosi inan isin rua atake hosi susuben nutritivu. Mesmu servisu koopersaun entre INSP-TL ho parseiru Dezenvolvimentu SHARE hodi haree liu ba iha salva inan ho oan nomos halo redusaun ba mortalidade.

iha apresentasaun planu atividade no Matrix programa ne'e Parseiru SHARE mos apresenta resultadu implementasaun programa nebe halao tiha ona hamutuk ho INSP-TL especialmente kona ba atividade Formasaun profesional saude sira iha Municipiu Dili no Atauro. agora sira sei habelar liu tan programa ne'e ba Munisipiu Manufahi, Postu Administrativu Same Vila ho ninia suku sira hotu nune'e sira nia area kobertura sei kobre CHC Internamentu same Vila, no Postu saude hamutuk 11 iha nivel suku nian.

Enkontru refere partisipa hosi Konsellu Diretivu INSP-TL ne’ebé lidera hosi Prezidente INSP-TL, Diretores Jerais, Diretores Nasionais, Diretores Unidades, Assesores Jurídiku, Formadores no Peskizadores INSP-TL.